Blogger Tips and TricksLatest Tips And TricksBlogger Tricks

Pages

Thursday 25 October 2018

ఉలకవా పలకవా

ఉలకవా పలకవా

నువ్వున్నావనే భరోసాతో కొట్టుకుంటున్నారా
లేనే లేవనే క్లారిటీతో రెచ్చిపోతున్నారా
నాస్తికులు నక్సలైట్లయ్యారు
ఆస్తికులు తాలిబాన్లయ్యారు
నువ్వేమో ఉలకవూ పలకవైతివి
నీ మసీదును నువ్వు కాపాడుకోలేవు
నీ మందిరం నువ్వు కట్టుకోలేవు
పడేయాలన్నా నిన్ను నిలబెట్టాలన్నా
మనుషులే కావాలి
నీ పవిత్రత అంటా
 
అదేంటో నాకు తెలియదు కానీ
 
అది కూడా మనుషులే కాపాడాలి
మా రక్తం ఒకే రంగైనా
 
నీ రంగులను పులుముకుని
మేం పొడుచుకుని చావాలి
ఉన్నావా అసలు
 
ఉంటే నిన్ను నువ్వు కాపాడుకోలేవా
నీ రక్షణకే మేం చస్తుంటే
ఇంకా నువ్వుంటే ఏంటి
లేకుంటే ఏంటి?
నువ్వులేవని తెలిసినా
అందరిలాగే ఊహించుకుని
తిట్టిపారేస్తున్నా
ఏమనుకోకు
నేనింతే...

No comments:

Post a Comment