కమ్మని సంతకం

కమ్మని సంతకం

ఆ క్షణం ....

మనసు తెరపై అన్నీ మాయమైనట్లు...

ఆలోచనలన్నీ కరిగిపోయినట్లు...

మనసును ప్రభావితం చేసిన

అంశాలన్నీ రాలిపడిపోయినట్లు...

వేదనలన్నీ ఒక్కొక్కటిగా

గాలికి కొట్టుకుపోతున్నట్లు...

మనసు కాన్వాసుపై

సరికొత్త చిత్రమేదో

రంగులు అద్దుకుంటున్నట్లు...

అవును ఆ క్షణం అనిర్వచనీయ భావమేదో

నా చుట్టూ వలయమై

తారాడుతూ ఉంటుంది...

నీ నుదుటిపై నా పెదాలతో

చేసే కమ్మని సంతకం ఆ క్షణం...