ఏదీ ఆ ధైర్యం?
జీవితంలో ఎన్నో చూసాను
భయానక పరిస్థితులను ఎదుర్కొన్నాను
మతకలహాలు చూసాను
సజీవ దహమైన వారి ఆర్తనాదాలు విన్నాను
పోలీసు కాల్పుల్లో నేలకొరిగిన వారి ముఖాల్లో చావు కళ
గమనించాను
జంటపేలుళ్ళ మారణహోమానికి సాక్షిగా నిలిచాను
వృత్తి రిత్యా సంచలనాలు చేశాను
ముష్కరులు నాపైనే
దాడులకు దిగినా
కాల్పులు జరిపినా
శిఖరమై నిలిచాను
ఎప్పుడూ అధైర్య పడలేదు
కుంగిపోలేదు
పంథా మార్చుకోలేదు
ఇప్పుడేమయ్యింది నాకు
చిగురుటాకు సవ్వడికే
కలవరపడుతున్నా
చిన్న వేదనకే కుంగిపోతున్నా
ఏమయ్యింది నాకు
నాటి మనో నిబ్బరం ఏది?
No comments:
Post a Comment