భయకంపిత మానసం

భయకంపిత మానసం

హృదయ కవాటంలో
చిన్న కదలిక ఏదో పుడుతోంది
సన్నని ప్రకంపనలేవో
మనసును కమ్మేసేలా ఉన్నాయి
బండరాయి నా మనసని అనుకున్నా
కానే కాదు అది మంచుముద్దలా కరిగిపోతోంది
కలల పుట్టిళ్లు నా కనులు
భావరహితమవుతున్నాయి
సుడులు తిరుగుతున్న భావాలేవో మసకబారుతున్నాయి
గుచ్చుకునే నా కళ్ళు
పిచ్చిచూపులు చూస్తున్నాయి
కాగడాలా దారి చూపే నా ధైర్యం గాలిలో దీపమై బిక్కుబిక్కు మంటోంది
మనసుకు ఏమయ్యిందో గానీ తెలియని భయమేదో
తరుముతూనే ఉంది
మనస్వినీ...