నాకు జీవించాలని ఉంది

 

నాకు జీవించాలని ఉంది

నాకింకా జీవించాలని ఉంది

చందమామ వెన్నెల్లో ఆడుకోవాలని ఉంది

నా అక్షరాలకు ప్రాణంపోసి అందమైన పుష్పాలను విరబూయాలని ఉంది

మాట్లాడాలని ఉంది

వినాలనీ ఉంది

ఆడాలని ఉంది

ఆడించాలని ఉంది

పాడాలని ఉంది

పాడించాలనీ ఉంది

అయితే

ఈ మృతజీవుల కళేబరాలతో నడవాలని లేదు

గుండెలేని మరజీవులను పలకరించాలని లేదు

మనసు కాలిన కమురు వాసన నిండిన లోకంలో బతకాలని లేదు...