ఎర్రచుక్కల నీడలో

 

ఎర్రచుక్కల నీడలో

అదిగో ఆ కీకారణ్యంలో

ఏదో పొలికేక వినిపిస్తోంది చూడు

రాజ్యం  ఇంకా ఉలిక్కిపడుతూనే ఉంది ఎందుకో...

తమ ఇజమే శాసనమని పిచ్చిరంగుల జెండాలు పట్టిన ఆ చేతులు ఇంకా వణుకుతూనే ఉన్నాయి ఎందుకో...

అదిగో చూడు

జనారణ్యంలో పుస్తకం పట్టిన ఆ యువహృదయం

చరిత్రను తిరగదోడుతోంది

పక్కదారి పట్టిన నేటి చరిత్ర అక్షరాలు జారిపడుతున్నాయి ఎందుకో...

అదిగదిగో చూడు పల్లెసీమల్లో

పడుచుపాటలు ఇంకా తూటాలు పేలుస్తూనే ఉన్నాయి

కరుడుగట్టిన ఆ గుండెల్లో ప్రకంపనలు ఎందుకో...

ప్రపంచమా తెలుసుకో

నువ్వెన్ని ఇజాలు రుచి చూసినా

ఎన్ని జెండాలు మోసినా

కమ్యూనిజం చచ్చిపోదు

ఎర్రజెండా అంతరించదు

పుడమిని చీల్చుకుని ఊపిరిపీల్చే మొలకలా

అరుణపతాకం

మళ్ళీ మళ్ళీ ఎగురుతూనే ఉంటుంది

ఎర్ర చుక్కల నీడలో...