ఎక్కడ తప్పిపోయిందో...
దోసిట పట్టి
గుండెలో దాచుకుందామని అనుకున్నా
ఎలా జారిందో
ఎక్కడ దాగుందో...
నిశి వీధిలో దారి తప్పిందా
తారాలోకంలో చుక్కల పంచన
చేరిందా...
వాడిన వసంతపు తోటలో కనులు
తెరిచిన పువ్వుపై
స్వాతి ముత్యమై మెరిసిందా...
నానుంచి దూరమవ్వాలనే
ఆతృతలో పుడమివైపు జారిపడిందా...
నేలలోకి ఇంకిపోయి
నవ అంకురానికి జీవం పోస్తోందా...
తడియారుతున్న గుండెకు లేపనం
అద్దాలని
కనుల కనుమల్లో అపురూపంగా
దాచుకున్నా
ఎక్కడ తప్పిపోయిందో
నా కన్నీటి చుక్క...
No comments:
Post a Comment