Blogger Tips and TricksLatest Tips And TricksBlogger Tricks

Thursday, 7 June 2018

ఆలోచనావలయం

ఆలోచనావలయం
సమూహం కళకళలాడుతోంది.
అంతా హడావిడి
పిల్లల కేరింతలు
పెద్దవాళ్ళ ముచ్చట్లు
అందరూ నన్ను పలకరిస్తున్నారు..
దగ్గరి బంధువులు
 
దూరపు చుట్టాలు
చిన్ననాటి స్నేహితులు
కుశల ప్రశ్నలు
పరాచికాలు
అందరిలోనే ఉన్నా
అందరితో మాట్లాడుతున్నా
అయినా అందరిలో లేను
మాటలు నాలుక దాటుతున్నా
మనసు మౌనంగానే ఉంది
జనసమూహంలో నేనున్నా
శూన్యంలో ఒంటరినై కూర్చున్నా
ఏమయ్యింది నాకు
ఏ అవసరం అనవసరమై
ఒంటరిని చేసింది నన్ను
మనసు చుట్టూ వలయమై అల్లుకున్న ఆలోచనలతో
అందరిలో ఉన్నా ఒంటరిగానే
మిగిలిపోయాను నేను..