సమాధులనుంచి
లేచివచ్చిన శవాలు..(PART-29)
అక్కడ శవాలు లేచివచ్చాయ్..
ఆత్మలు మాట్లాడుతున్నాయ్..
ఎవరివా శవాలు..
ఆత్మలు ఎలా మాట్లాడుతున్నాయ్..
ఒళ్ళు గగుర్పొడిచే ఘటన..
ఎక్స్ క్లూజివ్ స్టోరీ
రాత్రి ఏడున్నర గంటలకు.
మీ జీ ఇరవైనాలుగు గంటలు ఛానల్ లో..
శవాల గుట్టు తెలుసుకోవాలంటే
డోంట్ మిస్... at 7:30 pm..
ఇది ఒక ప్రోమో... నేను జీ 24గంటలు ఛానల్ లో ఉన్నప్పుడు సంచలనం
రేపిన ప్రోమో ఇది.. ఆరోజు ఉదయం పది గంటల నుంచి ప్రతి అరగంటకు ఒక సారి ప్లే అయిన ఈ
ప్రోమో నా కెరీర్ లో అత్యంత సంచలన ఘటనల్లో ఒకటి.. ఈ ప్రోమో ప్రేక్షకుల్లో రేపిన
ఉత్సుకత అంతా ఇంతా కాదు.. ముఖ్యంగా తెలుగు న్యూస్ మీడియాలో ఇది ప్రకంపనలే
రేపింది.. అన్ని చానల్స్ క్రైమ్ రిపోర్టర్లకు ఒక సవాలుగా మారింది.. జీ 24 లో ఏదో
బిగ్ ప్రోమో నడుస్తోంది. ఏంటా శవాల కథ అంటూ అందరూ ఉరుకులు పరుగులు తీస్తుంటే నేను
చిద్విలాసంగా నవ్వుతూ ఆఫీసులో ఎంజాయ్ చేసాను. ముఖ్యంగా అప్పుడు మాకు tv9
టార్గెట్.. పదిమంది క్రైమ్ రిపోర్టర్లతో పెద్ద నెట్ వర్క్ ఉన్న tv9 లో మా
బ్రేకింగ్ కలకలం రేపింది.. నాదేమో చిన్న టీమ్ నాకింద ఇద్దరు క్రైమ్ రిపోర్టర్లు,
గుప్పెడంత మంది స్ట్రింగర్లు.. తరచుగా ఏదో ఒక స్టోరీతో tv9 ను చికాకు పరిచే నేను
ఆరోజు ఈ బిగ్ బ్రేకింగ్ తో చెమటలు పట్టించాను.. ఏదో జరుగుతోంది..
ఏదో పెద్ద స్టోరీయే ఉంది
వివరాలు చెప్పకుండా ప్రోమో నడిపిస్తున్నావ్
అసలు విషయం చెప్పకున్నా ఫుల్ స్టోరీ ఎప్పుడో చెప్పు అని ఒక సీనియర్
క్రైమ్ రిపోర్టర్ నా మీదకు ఒత్తిడి తెచ్చాడంటే పరిస్థితి ఎలా ఉందో ఊహించుకోండి..
నేనెవరికీ ఏమీ చెప్పలేదు..
సాయంత్రం దాకా ఆ సస్పెన్స్ ను ఎవరూ ఛేదించలేకపోయారు.. రాత్రి 7:30
బులెటిన్ లో ఆ స్పెషల్ స్టోరీ టెలికాస్ట్ అయ్యింది.
నిజంగానే శవాలు మాట్లాడాయా..
మాట్లాడాయా అంటే మాట్లాడాయి మరి.. ఇంకా సస్పెన్స్ ఏంటీ అని
విసుక్కుంటున్నారా.. అయితే చెప్పేస్తా మరి..
ఒక అవకాశాన్ని అందరికంటే భిన్నంగా మనకు అనుకూలంగా మార్చుకుని
న్యూస్ ని సెన్సేషనల్ గా మార్చుకున్న చిన్న టెక్నీక్ ఇది.. ఆరోజు ఇది బాగా క్లిక్
అయ్యింది. ఆ స్టోరీకి మంచి రేటింగ్ రావడంతో మా బాస్ శైలేష్ రెడ్డి నన్ను
ప్రత్యేకంగా అభినందించారు. ఇక అసలు విషయం ఏమిటంటే.. ఆరోజు ఏదో పని ఉండి ఉదయం
తొమ్మిది గంటలకే ఆఫీసుకు వెళ్లాను. బాల్కనీ లో నిలబడి నేనూ శైలేష్, మా ఔట్ పుట్
ఎడిటర్
రమేష్ సిగరెట్లు కాలుస్తున్నాం.. అంతలోనే నా మైబైల్ రింగ్
అయ్యింది. మా ఓల్డ్ సిటీ రిపోర్టర్ ఇబ్రహీం లైన్ లో ఉన్నాడు.. సార్ వారం కింద
పహాడీ షరీఫ్ పియస్ లిమిట్స్ లో జరిగిన ఫ్యామిలీ సూసైడ్ కేసులో ఏదో ట్విస్ట్ ఉంది
అది మర్డర్ అని అంటున్నారు. ఈరోజు శవాలను వెలికి తీసి రీ పోస్టుమార్టం
చేస్తున్నారు అని చెప్పాడు. నేను వెంటనే ఈ విషయం వేరే మీడియాకు తెలుసా అని
అడిగాను.. ఎవరికీ తెలియదు సార్ అని బదులిచ్చాడు. సరే నువ్వు వెళ్ళు
ఎట్టిపరిస్థితిలోనూ నువ్వెక్కడున్నావో ఎవరికీ చెప్పకు జస్ట్ నా ఫోన్ మాత్రమే
లిఫ్ట్ చేయాలి అంటూ కొన్ని సూచనలు చేసాను.. వెంటనే మన క్రైమ్ బుర్ర యాక్టివ్
అయిపోయింది.. బాస్ కు విషయం చెప్పేసా ఇలా చేయబోతున్నా అంటూ.. మరు నిమిషంలో ఆ కేసు
చూస్తున్న పోలీస్ ఆఫీసర్ కు ఫోన్ చేసా.. ఆయన నాకు చాలా క్లోజ్ ఫ్రెండ్.. రీ
పోస్టుమార్టం విషయం కొన్ని గంటలపాటు మీడియాకు చెప్పకుండా ఉండగలరా అని ఆయన్ను
రిక్వెస్ట్ చేసా.. అసలు నీకెవరు చెప్పారు.. నాకు మీడియాకు చెప్పాల్సిన అవసరమే లేదు
అని ఆయన బదులిచ్చారు.. ఒకే కొన్ని గంటలపాటు ఇదే మెయింటేన్ చేయండి అన్నా.. అసలు
ఎవరికీ అక్కడ పర్మిషన్ లేదు నేనెవరికీ చెప్పను అని ఆయన బదులిచ్చారు.. ఒకే మా
ఇబ్రహీం వస్తున్నాడు అతనికి కోఆపరేట్ చేయండి. అవసరమైతే మా కెమెరా విజువల్స్ నే మీ
రికార్డ్ గా తీసుకోండి అని చెప్పి ఫోన్ పెట్టేసా.. ఇదంతా నిమిషాల్లో అయిపోయింది.
రెండు నిమిషాల్లో ప్రోమో టెక్స్ట్ రాసేశా... మా ప్రోమో డిపార్ట్ మెంట్ పది
నిమిషాల్లో అద్భుతమైన ప్రోమో రెడీ చేసింది. మా ఔట్ పుట్ ఎడిటర్ గోపాల రమేష్ అది
ప్రతి అరగంటకు టెలికాస్ట్ అయ్యేలా షెడ్యూల్ చేశారు. అంతే తెలుగు మీడియాలో
ప్రకంపనలు మొదలయ్యాయి. అసలు విషయం చెప్పకుండా ఎక్కడా రివీల్ చేయకుండా నడిచిన ఆ
ప్రోమో సూపర్ హిట్ అయ్యింది. రీపోస్టుమార్టం విజువల్స్ తో హంతకుల గుట్టు చెప్పిన
శవాలు అంటూ స్పెషల్ స్టోరీ నడిపాం.. నిజానికి ఇక్కడ పెద్ద విషయం ఏమీ లేదు.. పోటీ
ప్రపంచంలో ప్రత్యర్థిని చికాకు పర్చడంతోపాటు స్టోరీని బాగా అమ్ముకునే చిన్న
జిమ్మిక్కే ఇది.. కాకపొతే సమయస్ఫూర్తి, అందరి సహకారం వల్లే ఇది సాధ్యమయ్యింది..
ఇప్పటి మీడియా ఎక్స్ క్లూజివ్ మరిచిపోయింది. ఏ న్యూస్ అయినా ఆఫీసుకు పంపడం కంటే
ముందు మీడియా గ్రూప్ లలో పెట్టడం ఇప్పటి క్రైమ్ రిపోర్టర్లకు స్టేటస్ సింబల్ గా
మారింది..
