ప్లానింగ్
లెస్ లైఫ్...
నేడిలా రేపెలా అన్నది నేను ఆలోచించనే లేదు...
రేపటికోసం ప్రణాళిక లేదు
నేటిపై చింతలేదు
కాలానికి సంకెలలు వేయలేదు...
ఊహ తెలిసిన నాటినుంచే
కాలానికి తలవంచా...
నేటిని కొద్దిగా బంధించి
రేపటికోసం దాచుకోలేదు...
కాలం చూపిన బాటలోనే నడిచా
కాలం ఇచ్చిన అనుభవాలనే చవి చూసా...
ఇప్పుడిలా జరిగింది
రేపెలా జరుగుతుందోనన్న
భయం లేనేలేదు
ప్రతిపరిణామాన్ని ఆస్వాదించా...
నేడు మంచి జరిగినా
రేపు చెడు జరుగుతుందని తెలిసినా
కాలం మాటే విన్నా...
ప్రణాళికలు లేవు
పథకాలు లేవు
ఏది జరిగినా అది నా నిర్ణయమేగా అనుకుని
కాలాన్ని ప్రేమిస్తూనే నడిచా...
ఫలితం ఇప్పుడు నాజీవితం
మేడిపండు కంటే
అందంగా మెరుస్తోంది...
No comments:
Post a Comment