మనస్వినీ సమేత
అదిగో చూడూ
ఆ కొమ్మల మాటున
ఏదో సవ్వడి
పచ్చని ఆకులను దుప్పటి చేసుకుని
ఆ గువ్వలు రెండు వెచ్చగా
జతగూడుతున్నాయేమో...
అదిగో
అల్లంత దూరాన
ఏదో తీయని పిలుపు
మంద్రంగా వీనులను
మీటుతోంది
అది కోయిల రాగమా
కాదేమో
ఆ గుబురు చెట్ల చాటున
విరహిణియైన మయూరం
మనసైన జత కోసం ఆర్తిగా
పిలుస్తోంది...
ఆ పైరగాలి చూడు
సొగసుగా సుగంధాలు వెదజల్లుతోంది
పచ్చని చేల గుండెలను
సుతిమెత్తగా మీటుతూ
గిలిగింతలు రేపుతున్నట్లుగా లేదూ...
మనస్వినీ సమేత
నా మనసు జనారణ్యాన్ని వీడి
హరితలోకంలో అడుగిడిన వేళ
కొత్త భావాలేవో రాసుకుంటూనే ఉంది...
No comments:
Post a Comment