స్వప్నలోకం
ఆ ఇసుక తిన్నెలపై మళ్ళీ
నీతో కలిసి అడుగులు
వేయాలని ఉంది...
పరవళ్లు తొక్కుతున్న అలలను చూస్తూ
సముద్రుడి హోరులో
నీతో మౌనంగానే
ఊసులాడాలని ఉంది...
నిన్ను ఉడికిస్తూ కవ్విస్తూ
కొంటెగాలి చేస్తున్న అల్లరిలో
చెదిరిపోయిన నీ కురులను
సవరించాలని ఉంది...
నిండు జాబిలి నీడలో
పున్నమిలా వికసించిన
నీ దరహాస చంద్రికలను
దోసిట పట్టాలని ఉంది...
ఈ కాలం నుంచి ఆ కాలంలోకి జారిపోతూ
స్వప్నలోకంలో
మళ్ళీ మళ్ళీ విహరిస్తూనే ఉంటా
మనస్వినీ...
No comments:
Post a Comment