దేవుడు చేసిన మనిషిని

దేవుడు చేసిన మనిషిని

అదిగదిగో

ఆ సమూహం అటుగా దూసుకుపోతోంది

నా పాదాలు ఎందుకు ఆ వైపు పడటం లేదు

నా దిశ ఆ దిశ

కావటం లేదెందుకు...

అదిగో ఆ గొంతు పిక్కటిల్లుతోంది

వేలగొంతులు ఆ గొంతుకు శృతి కలుపుతున్నాయి

నా గొంతు ఎందుకు మౌనంగానే ఉంది...

అదిగో అతనెవరో నాయకుడై నిలిచాడు జనమంతా జయజయ 

ధ్వానాలు పలుకుతున్నారు

చిద్విలాసంగా నేను నవ్వుకుంటున్నా ఎందుకు...

అదిగో అక్కడ మతం కోసం కొట్టుకు చస్తున్నారు

దేవుడి గుళ్లను తగులబెట్టుకుంటున్నారు

అక్కడెక్కడా నాకు మతమే కానరావడం లేదెందుకు...

తేడా ఎక్కడుంది

నేనా మనిషిని వారా మనుషులు...

సందేహమే లేదు

వారంతా దేవుడిని సృష్టించిన మనుషులు

నేను దేవుడు చేసిన మనిషిని..