పంక్ హోతేతో...

పంక్ హోతేతో...

నా మనసుకు రెక్కలున్నాయ్

నా భావాలు పక్షులై

ఎగురుతాయి...

నా దేహానికి ఎందుకు

లేవు రెక్కలు

నేనెందుకు ఎగురలేను

విహంగమై...

హస్రత్ సాహెబ్ ప్రవచనం

ఎంత మధురం

పంక్ హోతేతో ఉడ్ ఆతీరే

అంటూ ఎంతటి ఆరాటం...

మనసు ఎగిరినట్టే

నా భావం విహరించినట్టే

నా దేహమూ ఎగిరితే

ఓహ్... ఎంత అద్భుతమైన

భావం...

నేనే విహంగమైతే

రెక్కలు విచ్చుకుని

ఎగిరిపోనా

వెచ్చని నెచ్చెలి ఒడికి చేరి

మంచు బిందువులా కరిగిపోనా...