రంగస్థలం

రంగస్థలం

రంగస్థలమిది

ఇక్కడ రంగులే వేసుకోవాలి...

కాలమాడే నాటకంలో

ఒక మంచి పాత్రవై ఒదిగిపోవాలి...

నీ రంగును దాచేందుకు

కత్తిమీద సాము చేయాలి...

నవ్వే కళ్ళల్లో

కన్నీరే చూపాలి...

ఏడుపే నీకు వస్తే

ఆనంద భాష్పాలని

నమ్మించాలి...

ఆకలికేకలు వెన్నాడుతున్నా

కడుపు నిండా ఉందని చెప్పాలి...

భుక్తాయాసంలోనూ

ఆకలి మంటలు చూపాలి...

నీ మనసు నల్లనిదైతే

తెల్లరంగు వేసుకోవాలి...

పాలవంటి మనసే నీదైతే

నల్లరంగు పులుముకోవాలి..

నీలా నువ్వుకాదు

మరొకరిలా ఉండాలి...

మోసపోవడమే కాదు

ద్రోహానికీ సిద్ధపడాలి...

జీవించకు ఇక్కడ

నటన తెలిస్తే చాలు

ఎందుకంటే

ఇది రంగస్థలం...