వెలుగుతూనే ఉన్నా

వెలుగుతూనే ఉన్నా

వెన్నెల వానలో తడియారుతూ

వెండి రంగులు పులుముకున్నానా...

అగ్గిచినుకుల వర్షంలో దేహాన్ని మండిస్తూ 

అగ్నిశిఖలా వెలుగుతున్నానా...

ఆ వెలుగూ ఈ వెలుగూ ఒకటేనా ...

ఏమో నేనైతే వెలుగుతూనే ఉన్నా...

నేను ఆనందంగానే ఉన్నా..

నేను ఆనందంగానే ఉన్నా..

అక్షరాలు రాసుకుంటున్నా

భావాలను సమాధి చేస్తూ. .

వాడిన పెదాలను మెరిపిస్తున్నా

కాగితం రంగులు అద్దుకుంటూ...

నిండుపున్నమిలా వెలుగుతూ ఉన్నా 

కటిక చీకటిని మనసులో దాచుకుంటూ. .

మంచివాడిలా కనిపిస్తున్నా

నాలో దానవుడిని నిద్రపుచ్చుతూ..

నాది రాచమార్గమేనని నమ్మిస్తున్నా 

పాదాలను చీల్చే ముళ్ళను ముద్దాడుతూ..

అందుకే నేనింకా ఆనందంగా ఉన్నా ..