ప్రేమించు నన్ను
మనసు పెట్టి చూడు
కురిసే వెన్నెలలో చందమామ నవ్వులా
మెరిసిపోతాను
కనులు మూసి విను
విచ్చుకుంటున్న మొగ్గలో
చిరుసవ్వడిలా నీ గుండెను
తాకిపోతాను
ఆరాధించు నన్ను
నిత్యం నీ శ్వాసలో ఊపిరిలా
కరిగిపోతాను
ప్రేమిస్తూనే ఉండు
లేతమారాకుపై మంచు బిందులా
తళుకులీనుతూ
జారిపోతాను
ప్రేమించు నన్ను
నీ గుండె శ్రుతిలో లయలా
జాలువారుతూ ఉంటాను
విడనాడకు నన్ను
నీలి నింగిలో తేలిపోయే మబ్బుల్లా
అందకుండాపోతాను
