అన్నీ తెలుసు...
నీ నుంచి విడివడిన ఆ
క్షణాలు
శాశ్వతం కావని తెలుసు
ఎడబాటు తాత్కాలికమేననీ
తెలుసు
వీడ్కోలు చెప్పేవేళ నీ
భావాలూ తెలుసు
నీ కంటిపాపను కమ్మిన
సన్నటి నీటి తెర తెలుసు
నీ పలుకుల్లో లీలగా
ధ్వనించే నైరాశ్యమూ తెలుసు
చేయి ఊపుతూ నవ్వుతున్న
నీ మోములో
ముభావమూ తెలుసు
మిస్ యూ అంటున్న నీ
మాటల మతలబూ తెలుసు
నీకేం తెలుసు
నా మనసును అక్కడే
వదిలేసి వస్తానని
నీ ఊసులన్నీ అది నాకు
చెబుతూనే ఉంటుందని
No comments:
Post a Comment