చీకటి దీపం

 

చీకటి దీపం

నిశ్శబ్దం ప్రశాంతత కాదు

అది వేయి ఏనుగుల ఘీంకారావం...

మౌనం ఆహ్లాదకరం కానే కాదు

అది మనసులో ఒక రగిలే యుద్ధ తంత్రం...

చిరునవ్వు ప్రతిసారీ సంతోషం కాదు

అది వెలిగే దీపం అడుగున అంధాకారం...

నిష్క్రియాతత్వం పలాయనవాదం కాదు

అది విధి ఆడే చదరంగం...

కనిపించే ప్రతిదీ సత్యం కాదు

అది అందమైన అబద్ధానికి ప్రతిబింబం...

ఏ దేహమూ చిరంజీవం కాదు

అది ఏ క్షణమైనా ఆరిపోయే చీకటిదీపం...

ఎవ్వరి జీవితమూ శాశ్వతం కానేకాదు

అయినా ఈ మనుషులకు

ఎందుకింత ఆరాటం...