Blogger Tips and TricksLatest Tips And TricksBlogger Tricks

Pages

Saturday 28 April 2018

ముగింపు కోసం

ముగింపు కోసం 

ముగింపు ఎక్కడో ఉండే ఉంటుంది
విశ్రాంతి ఎక్కడో సేద తీరుతూనే ఉంటుంది
పరిష్కారం చీకటి రెక్కల నడుమ
దాగి ఉండే ఉంటుంది
వెలుగు రేఖలు ఏ కనుమల చాటునో
నక్కి ఉండే ఉంటాయి
పరిమళాలను
కానరాని పువ్వులేవో పీల్చుకునే ఉంటాయి
నమ్మకం ఏ వంచన కడుపులోనో
ఊపిరి పోసుకుంటూనే ఉంటుంది
విజయం ఏ ఓటమితోనో
పెనుగులాడుతూనే ఉంటుంది
 కానరాని వెలుగులకోసం
ఎక్కడుందో తెలియని ముగింపు కోసం
నడుస్తూనే ఉన్నా
నిరంతర శోధకుడినై 

No comments:

Post a Comment