నీ పూజకు కుసుమాలు

 

నీ పూజకు కుసుమాలు

నా భావాలకు బొమ్మలు వేయలేను

ఎందుకంటే నేను చిత్రకారుడిని కాను...

తెలుగు అక్షరమాల ఉంది కాబట్టి సరిపోయింది

నా మనసుకు అక్షరరూపం ఇవ్వగలుగుతున్నా...

గుండె గుడిలో కొలువైన నీ ఆరాధనకు ఒక్కో అక్షరాన్ని పువ్వులుగా మలుచుకుంటున్నా...

నా అక్షరాలను పూదండలా  కూర్చి నీ మేడలో మాలలా అలంకరిస్తూ నీపై నాకున్న ఆర్తిని చాటుకుంటున్నా...

మనసులో వేదన జనిస్తే

అక్షర పుష్పాలను కన్నీటితో తడిపి నీ పాదపద్మములను అభిషేకిస్తున్నా...

నా అక్షరాలు ఎవరికి ఎలా కనిపించినా అవి మాత్రం నీ పూజకు విరిసిన కుసుమాలే...

అక్షరాలున్నాయి గనుక సరిపోయింది

అవే లేకపోతే నా భావాలను అదుపుచేయలేక గుండె పగిలి చచ్చిపోయేవాడినేమో

మనస్వినీ...