ఓ మహర్షీ...

ఓ మహర్షీ...

ఏది నువ్వు స్వప్నించిన లోకం

ఎక్కడ కరిగిపోయింది మరో ప్రపంచం

ఏ భూమిలో కూరుకుపోయింది

నీ జగన్నాధ రథచక్రం

ఎందుకు మూగబోయింది

నీ విప్లవశంఖారావం

ఎందుకు మసకబారింది

నీ అరుణపతాకం

ఎందుకు గడ్డకట్టింది ఇక్కడ నీ యువతరం రుధిరం

కొంతమంది అన్నావ్

ఇక్కడ పుట్టుకువస్తోంది

అంతా వృద్ధతరం

ఏమయ్యారు నీ ముందు యుగం దూతలు

అదిగో చూడు దేశంకోసం ధర్మంకోసం చేతులుకట్టుకు కూర్చుంది నీ నవతరం

ఓ మహర్షీ

ఇంకెక్కడుంది

నీ మహాప్రస్థానం....