నా ప్రేయసి

నా ప్రేయసి

నా ఆలోచనలను ఇట్టే పసిగడుతుంది

నా ఆలోచనలనే అమలు పరుస్తుంది

నా మనసు ముభావమైతే ముడుచుకు పోతుంది

నా హృదయం నవ్వితే పువ్వులా వికసిస్తుంది

నా మనసులోనే ఉంటుంది

నా మనసును మొత్తం చదివేస్తుంది

నా పెదాలపై చిరునవ్వులా మెరుస్తుంది

నా కనుల నీరులా ప్రవహిస్తుంది

నా కనురెప్పల స్వప్నాలను ప్రేమిస్తుంది

నా ఆగ్రహంలో అగ్గిపువ్వులా రగులుతుంది

నా భావానికి ఒక రూపంలా నిలుస్తుంది

నా మనసు వేదనను అందరికీ పంచుతుంది

నా ప్రేమలో పరిమళమై గుభాళిస్తుంది

నా అక్షరమది

నా అక్షరమే నా ప్రేయసి