శర పరంపర...

శర పరంపర...

తన చూపుడు వేలుతో ...

నా పైనే గురి...

ఆ వేలు నాపై ప్రశ్నలు సందిస్తోంది...

ఒకటి కాదు ...

రెండు కాదు...

ఎన్నెన్నో ప్రశ్నలు...

ఒకదాని వెంట ఒకటి...

శర పరంపరగా...

ఆ ప్రశ్నలు నా గుండెను...

ఛిద్రం చేస్తూనే ఉన్నాయి...

ఓ ప్రశ్నలో అనుమానం ...

మరో ప్రశ్నలో అవమానం...

నా నిజాయితీకే కళంకం...

నా వ్యక్తిత్వానికే భారం...

ఈటెల్లా గుచ్చుకుని...

గాయం రేపుతున్న ...

ఆ ప్రశ్నల ధాటికి...

ఒకింత కలవరం..

మరింత గగుర్పాటు..

అసత్యాల పునాదుల్లో...

జనియించిన ఆ ప్రశ్నలకు..

నాదగ్గర సమాధానముంది...

మరి...

ఒక వేలు నావైపు...

చూపిస్తుంటే...

మిగిలిన ఆ నాలుగు వేళ్ళు...

తన వైపే చూపిస్తున్నాయి...

ఆ నాలుగు వేళ్ళు ...

అడుగుతున్న ...

వందల ప్రశ్నలకు...

జవాబులు ఎందుకు లేవు ...

మనస్వినీ...