Blogger Tips and TricksLatest Tips And TricksBlogger Tricks

Sunday, 4 March 2018

ఎంత పిచ్చిది కదా మనసు

ఎంత పిచ్చిది కదా మనసు

ఉషస్సు వేళ నీ తొలి పలకరింపు
భానుడి పయనంతో నడిచే  
ప్రతిఘడియలో నీ పలుకు
సంధ్య పులకింతలో రేయిని
స్వాగతించే చల్లని నీ గుభాళింపు
అన్నీ నాకే ముందు కావాలని
మారాం చేస్తోంది మనసు...
చంద్ర వదన సింగారాలు
కనుల కొనలనుంచి జాలువారే
వెన్నెల జలపాతాలు
కాటుక కంటిపై అల్లుకున్న స్వప్నాలు
మేఘాలను అల్లే కురుల వయ్యారాలు
నవ్వులు రువ్వే మల్లికల సోయగాలు  
పెదాలపై అద్దుకున్న గులాబీల మిసమిసలు
పసిడిని మరిపించే
నిలువెత్తు ధగదగలు
అన్నీ నా కనురెప్పలలోనే దాచుకోవాలని
మరో కంటినీడ కూడా తాకరాదనీ
ఆరాటపడుతోంది నా మనసు...
ఎంత పిచ్చిది కదా నా మనసు
మనసులాగే ఆలోచిస్తోంది...

No comments:

Post a Comment