ఫిఫ్టీ ఇయర్స్ ఇండస్ట్రీ...
యాభైలోకి అడుగులు పడ్డాయి
సంధ్య పలకరింపులు అప్పుడే స్వాగతం పలుకుతున్నట్లు అనిపిస్తోంది..
ఒక్కసారి వెనక్కి తిరిగి చూస్తే నేను పయనించిన బాటలో పువ్వులు అక్కడక్కడా ఉన్నా
ఎక్కువగా ముళ్లే వీడ్కోలు చెబుతున్నాయి..దారిద్య్రం తో నిండిన బాల్యం ఇంకా ఒక
పీడకల లా వెంటాడుతూనే ఉంది...అవమానాలను అధిగమిస్తూ కన్నీళ్లను దాచుకుంటూ ఒద్దికగా
నడిచి ఒక శిఖరంగా నిలిచినా అంతే పద్ధతిగా ఒక్కో మెట్టు జారుతూ కిందకు పడిపోయా
మళ్లీ లేవనంతగా..వేదనలు నిత్యం గాయం చేస్తున్నా మధురిమలనే తలుచుకుంటూ ఒక్కో ఏడాదిని మైలురాయిలా దాటేస్తూ సాగిపోయా..
అప్పుడూ ఇప్పుడూ ఒకేలా ఆలోచిస్తూ ఒకే మార్గంలో నడుస్తూ మరమనుషుల లోకంలో ఒక
పనికిరాని మాంసపు ముద్దలా మిగిలిపోయా.. ఇక చాలనిపిస్తోంది యాభయ్యవ వసంతం..
చివరి క్షణాలను కూడా చిరునవ్వుతో ఆహ్వానించాలన్నదే నా
చివరికొరిక...
No comments:
Post a Comment