Blogger Tips and TricksLatest Tips And TricksBlogger Tricks

Pages

Friday, 31 January 2020

శిలనయ్యానా...



శిలనయ్యానా... 


సాగిపోయాను గానీ
వెనుక ఎవరూ లేరు
నా ముందూ ఎవరూ లేరు...
వెనక్కి తిరిగి చూసాను గానీ
వెలుతురు కనిపించలేదు
చీకటి ఛాయలూ కానరాలేదు...
సమరం చేస్తున్నా గానీ
శత్రువులు ఎవరూ లేరు
మిత్రులూ పలకరించలేదు...
విజయాలే సాధించాను గానీ
జయజయ ధ్వానాలు లేవు
పరాజయాల ఆనవాళ్ళూ లేవు...
బాటసారినే గానీ
గమ్యం లేనేలేదు
అడుగుజాడలూ కానరాలేదు...
శిఖరంలా నిలిచాను గానీ
పునాదిరాళ్లు లేవు
శిథిలాల గుర్తులూ లేవు...
నేను మనిషినా శిలాప్రతిమనా
తెలుసుకునేందుకు ఆధారాలూ లేవు...


No comments:

Post a Comment