నాలో నేను కొత్తగా...
నా అక్షరాలలో మాధుర్యాన్ని వెతకొద్దు
ఇప్పుడవి నిప్పురవ్వలై మండుతున్నాయి...
తేనెలొలికే పదాలకై ఆశించొద్దు
పెదాలు తూటాలుగా పేలుతున్నాయి...
కన్నుల వెన్నెలకై ఎదురుచూడొద్దు
భగభగ మంటల సెగలు తాకుతున్నాయి...
మంచితనాన్ని నాలో శోధించొద్దు
రాక్షస గుణాలు కనిపిస్తున్నాయి...
ఎందుకంటే
నన్ను నేను తిరస్కరిస్తూ
నాలో నన్ను కొత్తగా
ఆహ్వానిస్తున్నాను...
No comments:
Post a Comment