నా ప్రాణవాయువు
నువ్వే
నీ నుదుటిపై తడియారని
ముద్దు బొట్టులో
నన్ను నేను చూసుకోనా
నీ కురుల మేఘాలలో
తొలకరి చినుకునై
కురిసిపోనా
నీ మెడ వంపులపై వెచ్చని ఊపిరితో అక్షరాలు దిద్ది
అందమైన కవితలు రాసుకోనా
నీ కన్నుల వెన్నెలలో
సరిగంగ స్నానాలు చేసిపోనా
వసంతమే నువ్వైతే
తుమ్మెదను నేనై మత్తులో తూలిపోనా
నీ చల్లని చిరునవ్వులో
మెరుపునై మెరిసిపోనా
అయినా నేనెక్కడికి పోతాను
నీ శ్వాసే నాకు ప్రాణవాయువు కాదా
మనస్వినీ...
No comments:
Post a Comment