యువరాజుకు జన్మదిన శుభాకాంక్షలు

యువరాజుకు జన్మదిన శుభాకాంక్షలు

నువ్వు నడిచి వస్తుంటే

నీలో నేనే కనిపిస్తాను

నువ్వు మాట్లాడుతూ ఉంటే

నీ స్వరంలో నా స్వరమే వినిపిస్తుంది

గల గలా నువ్వు నవ్వుతూ ఉంటే

నా నవ్వులే విరబూస్తాయి

అవును నువ్వు అచ్చం నేనే

నీలో నేనే కనిపిస్తున్నా

జారిపోయిన కాలాన్ని నేను నీలోనే వెతుక్కుంటున్నా

నా అడుగు జాడల్లో నిన్నే చూస్తున్నా

నా విశ్వాసానికి ప్రతిరూపంగా

నా ఆకాంక్షలకు సజీవ సాక్ష్యంగా

నా నమ్మకానికి మరో రూపంగా

నా నిర్ణయాల్లో శిలాశాసనంగా

నా మనసుకు నమ్మకమైన భరోసాగా

అన్నింటా నువ్వు కనిపిస్తున్నావు

నీలో నన్నే చూపిస్తున్నావు

నన్ను నాకే చూపిస్తున్నావు

కలిమిలోనూ లేమిలోనూ

చెదరని చిరునవ్వుతో

అడుగుజాడవై నిలిచావు

మరుజన్మ అంటూ ఉంటే

నీ కొడుకుగా పుట్టాలని ఉంది

మన ఇంట నవ్వుల నెలరాజు

మన యువరాజుకు   

మనసు నిండా

జన్మదిన శుభాకాంక్షలు  

మనస్వినీ

(సెప్టెంబర్ 16న మా ప్రిన్స్, ఆరీఫుద్దీన్ షేక్, జన్మదినం సందర్భంగా...)