మరొక నేను
నాకు
నేను కావాలి
అవును
నాకు నేనే కావాలి
నాలాగే
నేనుండాలి
అచ్చం
నాలాగా నేను కావాలి
నాలాగే
ఆలోచించాలి
నా
మాటలను నాలాగా వినాలి
నేను
నవ్వితే ఆనందం పంచుకోవాలి
నేను
ఏడిస్తే బాధను తెలుసుకోవాలి
కన్నీళ్ళకు
అర్థం తెలుసుకోవాలి
చిరునవ్వులకు
నవ్వులు పంచాలి
నా
మనసును తెలుసుకోవాలి
నా
మనసుకు నేనే మరో మనసు కావాలి
నన్ను
నాలాగా అర్థం చేసుకోవాలి
నన్ను
నాలాగా ఓదార్చాలి
నాకు నా
స్నేహం కావాలి
నాకు
నేను నేస్తమై నిలవాలి
దేవుడా
నానుంచి
నన్ను వేరు చేసి
మరో
నేనుగా నాకు పరిచయం చెయ్
నాకు
నాతో మాటలు కలుపు
నాకు
నాతో స్నేహం చేయించు
నాతో
నన్ను నడిపించు
నా అడుగు
జాడల్లో నన్నే నిలుపు
భగవాన్
నన్ను
వెంటనే క్లోనింగ్ చెయ్
నన్ను
నాకే కానుకగా ఇచ్చేయ్
No comments:
Post a Comment