Blogger Tips and TricksLatest Tips And TricksBlogger Tricks

Thursday, 24 November 2016

చీకటి పక్షి

చీకటి పక్షి

ఎక్కడుంది గమ్యం
ఎందుకు తడబడింది పయనం
శశిని చూస్తూ నిశిన జారిందా
నిశి రక్కసి శశిని మింగిందా
అంతులేని గజిబిజి పయనం
వెలుగుతాకని మానసం...
చీకటి పక్షుల కువకువలు
నల్లని మనసుల గుసగుసలు
అంతులేని వికృత క్రీడలు
అలుపే లేని ఆరాటాలు
ఎందాక సాగేనీ పయనం...
వీడలేమని వెంటాడే నిన్నటి మరకలు
రోజూ వికసించే చీకటి పుష్పాలు
చీకటి మరకలను వీడేనా పుష్పం
మరలా వికసించేనా హృదయం...
కలకలం రేపేను పరుల భాష్యం
మనసున రగిలెను అగ్ని గుండం
చేష్టలుడుగిన మానసం
దిక్కుతోచని అయోమయం...
ఆగదేమో ఈ పయనం
చీకటినుంచి మరో చీకటి ఆహ్వానం
కొన్ని జీవితాలింతే
మరణమనే చీకటిలోనే
సత్యాక్షరాలు లిఖిస్తాయి
మనస్వినీ...

No comments:

Post a Comment