Blogger Tips and TricksLatest Tips And TricksBlogger Tricks

Saturday, 10 February 2018

ఎక్కడ దాచుకోను నిన్ను

ఎక్కడ దాచుకోను నిన్ను 


నా కన్నులలో దాచుకోనా
ఎరుపెక్కిన నీ కనురెప్పల సెగలురేపే కెంపులను ...
మధురసాలని సేవించనా
అదురుతున్న నీ అధరాల జాలువారే తేనీయలను ...
నా శ్వాసలో నింపుకోనా
భారమై ఆవిర్లు రేపుతున్న నీ ఊపిర్లను ...
నా హృదయస్పందనలో కలుపుకోనా
మయూఖములై నర్తించే నీ మంజీరాల సవ్వడులను ...
వినీలాకాశంలో దాచుకోనా
నీ నవ్వుల్లో రాలిపడే తారకల వెలుగులను ...
నన్ను నీలో కరిగించుకోనా
నాలో కరిగిస్తూ నీ బిగిపరువాల సొగసులను ...
అక్షరపుష్పాలను సాగుచేసుకోనా
మననం చేసుకుంటూ నీ అనుభవాల అనుభూతులను ...
మనసు పుస్తకంలో పదిలం చేసుకోనా
మనస్వినియై పూసి మదిని దోచిన పారిజాతమును ...
ఎక్కడ దాచుకోను నిన్ను
ఏ కన్నూ నీపై పడకుండా ...
ఎలా ఆపగలను నేను
ఏ భావకుడీ అక్షరం నీపై వాలకుండా ...

No comments:

Post a Comment