మనమెలా మంచోళ్ళం?

మనమెలా మంచోళ్ళం?

అలవోకగా అబద్ధాలు
ఏమీలేకున్నా ఉన్నట్టే డాంభికాలు
కుట్రలు కుతంత్రాలు
అదిగో స్వర్గమంటూ అరచేతిలో వైకుంఠాలు
తిమ్మిని బమ్మి చేసే మాయాజాలాలు
తెల్లారి లేస్తేనే దగాకోరు మాటలు
మహాపతివ్రతల ముసుగులో
తెరచాటు సరసాలు
ఇంట్లో రామయ్య వీధిలో కృష్ణయ్యలు
ఇన్నిలోపాలు మనలోనే ఉండగా రాజకీయులను
ఆడిపోసుకోవడమెందుకూ
ఐదేళ్ళకోసారి అబద్ధాలు చెప్పేవారికన్నా
అబద్ధాలతోనే జీవితం మొదలుపెట్టే మనమెలా మంచోళ్ళం???