మదిలో అలజడి
అక్కడెక్కడో
పడమటి కనుమల్లో
పొద్దువాలుతున్నది
మెల్లమెల్లగా....
బద్దకంగా ఒళ్ళు విరుచుకున్న
నిశికన్య కనులు తెరుస్తోంది
మత్తు మత్తుగా...
అవి సూరీడు విసిరేసిన
ఎరుపు ఛాయల మాయలా
వెచ్చని కోర్కెలతో ఎరుపెక్కిన
చెలియ సిగ్గు దొంతరలా
మధుకలశాలైన జవరాలి
కన్నుల మొలిచిన ఎర్రని జీరలా
ఏమో తెలియదు గానీ
సాయం సంధ్య పరువాలన్నీ
నా మనస్విని సోయగాలై
సెగలు రేపుతున్నాయి
మదిలో రేగుతున్న అలజడిలా...
No comments:
Post a Comment