ఇది విరామం మాత్రమే
నా అక్షరాలు అయిపోయాయని
అనుకోవద్దు...
నా భావ ప్రపంచం
కుప్పకూలిందని
అంచనాలు వేసుకోవద్దు...
నేను మారలేదు
నా అక్షరాలూ మారలేదు...
కరుడు గట్టిన గుండెలో
అక్షరాలు మరింత పదును తేలుతున్నాయి...
ఎరుపెక్కిన నా మానసం
అగ్నికణంలా జ్వలించే
అక్షరాలకు ప్రాణం
పోస్తూనే ఉంది...
ఇది విరామమే గానీ
ముగింపు కాదు...
నా అక్షరం
నాతో పయనిస్తూనే ఉంది...
No comments:
Post a Comment