Blogger Tips and TricksLatest Tips And TricksBlogger Tricks

Pages

Thursday 27 October 2016

ఇక సెలవేనా

ఇక సెలవేనా 
నీవూ నన్ను వీడిపోతున్నావా
నీకూ నేను నచ్చలేదా
నీకూ నాపై కోపం వచ్చిందా
నీకూ నేనంటే ఏవగింపు కలిగిందా
నీకూ నాపై నమ్మకం పోయిందా
నాలోనే ఉన్న నీవు
నా నుంచే జారిపోతున్నావా
ఇక సెలవంటూ
కరిగిపోతున్నావా
ఎంత పదిలంగా దాచుకున్నా నిన్ను
ఎంత ప్రాణంగా చూసుకున్నా నిన్ను
గడ్డ కట్టిన మనసులో
ఎగసిపడుతున్న కనుల కొలనులో
నిన్ను జాగ్రత్తగా దాచుకున్నా
నువ్వెక్కడ జారిపోతావో
ఎక్కడ కరిగిపోతావో
ఎప్పుడు అనాధను చేస్తావోనని
అనుక్షణం కాచుకున్నా
నా చిరునవ్వుకు ఇంధనం నువ్వు
నా గాంభీర్యానికి కవచం నువ్వు
నాకు తెలుసు నువ్వు నాలో ఉన్నంతవరకే నేను
నువ్వు లేకపోతే ఏమీ లేను నేను
నీకు తెలియనిదా
నువ్వు జారిపోతే నా ధైర్యమే జారిపోతుందని
అయినా ఎందుకు కరిగిపోతున్నావు
ఎంత ఆపుకున్నా
ఎందుకు కురిసిపోతున్నావు
బీటలు వారిన నేలలా మనసును మార్చేసి
కనుల కొలనును ఎడారిలా చేసేసి
నయన గవాక్షాలు ధ్వంసం చేసి
ఎందుకు ప్రవహిస్తున్నావు
నన్నెందుకు బేలగా మారుస్తున్నావు
ఏమయ్యిందో ఏమో గాని
నాలో నిదురించిన కన్నీరు సైతం
నన్ను విడిచి వెళ్ళిపోతోంది
మనస్వినీ 

No comments:

Post a Comment