ప్రకృతి కాంతవా...
వెన్నెల ఆకాశం
కరిగిపోయింది
మబ్బులు చూడు నల్లగా
కమ్ముకున్నాయి
నీ నల్లని కురులు
ఆరబోసినట్లు...
వెన్నెల కురిసే
దాఖలాలు లేవు
వానచినుకులు
రాలుతున్నాయి
ఆ మామిడాకులమీద నీటి చుక్కలు
చూడు
నీ నవ్వుల ముత్యాలు
రాలిపడినట్లు ...
చల్లని గాలి అలవోలె
అల్లుకున్నది
తుంటరి గాలి కొంటెదనం చూడు
నువ్వు కన్నుగీటి
గిలిగింతలు పెడుతున్నట్లు ...
మానవ కాంతవా
ప్రకృతి కాంతవా
తెలియదుగానీ
పూచే పువ్వులో
మెరిసే వాన చినుకులో
వీచే గాలిలో
అన్నింటా నీ నవ్వే
చూస్తున్నా
మనస్వినీ...
Nice Blog
ReplyDelete