సినీతారను కాదుగా...

సినీతారను కాదుగా...

దూరంగా కూర్చుని
నాపై అంచనాలు ఎందుకు
వెండితెరపై వెలిగే తారను
కాదు కదా చూపులతోనే
మెప్పించేందుకు...
నా పలుకులతోనే
నేనేంటో చెప్పేయడమెందుకు
శ్రావ్యమైన గళమున్న
గాయకుడిని కాదుగా
గానామృతంతో అలరించేందుకు...
నా స్థితిగతులతో వక్తిత్వ నిర్ధారణ ఎందుకు
సర్వసకల సదుపాయాలు
లేవుగా ఉత్తముడిగా నిలిచేందుకు...
అంత దూరం ఎందుకు
ఒక్కసారన్నా నా గుండె గుడి తలుపులను తెరిచి చూడు
హంసతూలికా తల్పంపై
వయ్యారంగా శయనిస్తున్న
నువ్వే నీకు పరిచయమవుతావు...