జర్నలిజమా
నీకు వందనం
అక్షరం అన్నం పెడ్తలేదు
అభిమానం చేయి చాచలేదు
ఆకలి ఆగనంటోంది
గుండె మంట రగులుతోంది
అయినా దిక్కు తోచదు
ఏం చేయాలో పాలుపోదు
ఆకలి తీర్చని అక్షరమే దిక్సూచి
ఏదో చెప్పాలి ఈ లోకానికి
అలుపెరుగని ఆలోచనలు
అంతరంగంలో సమరాలు
లోకంలో అరాచకాలపై వార్తలు
తమ యజమానుల ఆగడాలపై నిట్టూర్పులు
తమ బతుకింతేనంటూ ఓదార్పులు
సమాజంలో జర్నలిస్టులు
జీవితంలో భికారులు
ఎర్నలిస్టులు కొందరు ఉండవచ్చు గాక
అసలైన జర్నలిస్టుల బతుకులు
చితిమంటల ఆనవాళ్లు
అక్షరాల వ్యసనానికి బానిసైన మనిషిని
ఒక అందమైన శవంలా మార్చిన జర్నలిజమా
నీకు వందనం.
No comments:
Post a Comment