తొలకరి సవ్వడి..

తొలకరి సవ్వడి..

మంద్రమైన సవ్వడితో

ఏకధారగా వర్షం

జడివాననేమో

అవునో కాదో తెలియదుగానీ

ఆ వాన సవ్వడి నాకిష్టం

లేలేత మామిడాకులను

వయ్యారంగా ముద్దాడుతున్న వానచినుకులు

ఆ మారాకు పులకించిందేమో

సిగ్గుతో జారిపడుతున్న

వానచినుకు నేలను

తాకుతున్న వేళ

ఓ అందమైన మెరుపు

వాహ్... ఎంత పసందైన దృశ్యం

తొలకరి జల్లుల లయవిన్యాసాలను

అలా చూస్తూ ఉండిపోయే నాకు కాలం ఎంతవేగంగా తరలిపోతుందో

తెలియనే తెలియదు

మనస్వినీ...