ఏదీ మరో ప్రపంచం

ఏదీ మరో ప్రపంచం

మరో ప్రపంచం

మరో ప్రపంచం

ఏ కలుగున దాగి ఉంది

ఆ ఊహాప్రపంచం

మేఘాల పరదాల చాటున దాగి ఉందా

కృష్ణ బిలంలో కరిగిపోయిందా

ఉందో లేదో తెలియని

మరో ప్రపంచంపై మక్కువ లేదు

ఉన్నప్రపంచంపై నమ్మకం లేదు

మరెక్కడికి నా పయనం

ఉందో లేదో తెలియని లోకం సింహద్వారాలెక్కడా

హంసతూలికా తల్పముల మాటున వింజామరలెక్కడా

ఎగసిపోనా ఊహాప్రపంచం

పొలిమేరల దిక్కున

వాలిపోనా మబ్బుచాటు చందమామ పక్కన

ఊహలు వీడి గర్జించనా విప్లవశంఖారావమై

ఈ జగతి దుష్కర్మలపైన

లిఖించనా రాతి అక్షరాలు

ఈ చరితపైన

ఓడిపోతూ గెలుపును ముద్దాడనా

గెలుపులోనూ ఓటమిని చూస్తూ

సాగిపోనా నిశీధినై

మరో ప్రపంచపు వెలుగులవైపు

ఉందో లేదో తెలియని లోకం దిక్కులవైపు..