అదే
చరిత్ర
అదిగో అస్తమిస్తున్న సూరీడు
బోసిపోయిన పుడమి నుదుటన
సింధూరం అద్దుతున్నాడు
అక్కడెక్కడో చిన్న సవ్వడి
పోలికేకకు ఊపిర్లు పోస్తోంది
ఎవరో ఆ పల్లెపడుచు
జానపదంలో జనావేశం
నింపుతోంది
అణగారిన యువత
ప్రజానాట్యం కోసం గజ్జెలను సవరిస్తోంది
దగాపడిన పల్లె మరోపోరుకు బలం కూడదీస్తోంది
రంగుమారిన చరిత
పునరావృతమై పులకించాలని తలఎత్తి పిలుస్తోంది
No comments:
Post a Comment