నేనెవరిని?
మనిషినా
మృగాన్నా
దేవుడినా
రాక్షసుడినా
నాయకుడినా
ప్రతినాయకుడినా
మంచివాడినా
మోసగాడినా
నమ్మకమైన వాడినా
ద్రోహం చేసేవాడినా
ఏమో ఎవరికి తోచిన
ముసుగు వారు తొడిగేస్తున్నారు
నాకే తెలియని రూపాలను
నాకు అంటిస్తున్నారు
నాకులేని గుణగణాలను
నాపై ముద్రిస్తున్నారు
ఇన్ని రూపాల పరంపరలో
ఎక్కడ కోల్పోయానో తెలియక
నన్ను నేను వెతుకుతూనే ఉన్నా...
No comments:
Post a Comment