ధైర్యం
కోసం
అదిగో ఆ మూలమలుపులో
పక్క సందులో
ఊరి పొలిమేరల్లో
బీటలు వారిన పొలంలో
చెమట కంపు కార్ఖానాల్లో
అలసటెరుగని నడకలో
జలజల జారే కన్నీటి చుక్కల్లో
విసిగిపోయిన మెదడులో
పగిలిపోయిన గుండెల్లో
రాయి విసురుతున్న
పిచ్చోడి నవ్వుల్లో
దాగి ఉంది ధైర్యం
ఈ ప్రపంచాన్ని ఓడించేంత....
పరుగులు తీస్తున్నా
ఆ మలుపులవైపు
కాసింత ధైర్యం కోసం
ఈ లోకాన్ని ఓడించి వెళ్ళాలనీ...
No comments:
Post a Comment