ఏమైనా జరగనీయ్..

ఏమైనా జరగనీయ్..

కణం కణం రగిలే సుమం నా అక్షరం

ఓ గుండెకు గాయం చేసిందా చేయనీ...

ప్రతిక్షణం పరిమళించే పున్నమి నా అక్షరం

ఓ మనసుని మురిపించిందా మురిపించనీ...

ముక్కు సూటిగా దూసుకుపోయేదే నా అక్షరం

ఓ భావం భస్మీపటలం అయ్యిందా

అయితే కానీ...

మానవతా మూర్తులకు పాదాక్రాంతం నా అక్షరం

ఓ హృదయం పొంగిందా

పొంగితే పొంగనీయ్...

మనసు ఘర్షణలో జనించి

నింగిచుక్కల వైపు దూసుకుపోయే కరవాలమే నా అక్షరం

నింగిని చీల్చిందా చీల్చనీయ్...

ఇరువైపులా పదునున్న నా అక్షర ఖడ్గం పువ్వులా వికసించినా

బాణమై వెంటాడినా

ఆగదు నా అక్షర సమరం...