నిశ్చలం నిర్జీవం
దూరంగా చూస్తున్నా
తీక్షణంగానే చూస్తున్నా
నిన్నటిదాకా స్పష్టంగానే
ఉన్న దృశ్యం ఇప్పుడు మసకబారినట్టు కనబడుతోంది
అవును కళ్ల ముందు
ఒక లక్ష్యం చెదిరిపోతున్నట్టు
కనిపిస్తోంది
ఓ గమ్యం దిక్కుతోచక
విలవిలాలాడుతున్నట్టు కనిపిస్తోంది
కూలిన వైభవశిఖర
పునర్నిర్మాణ శిలలు మళ్ళీ
కరిగిపోతున్నట్టే కనిపిస్తోంది
జారుతున్న స్వప్నం
హాహాకారం చేస్తూ
నేలను ముద్దాడుతున్నట్టే
కనిపిస్తోంది
చేష్టలుడిగిన నేను
చూస్తూనే ఉన్నా
నిశ్చలంగా నిర్జీవంగా...
No comments:
Post a Comment