వెక్కిరించిన నిజం
అంతర్లీనమై భయపెట్టిన నిజం
వికృత స్వరూపమై ఉబికి వచ్చింది...
మనసులోనే దాగిన కలవరం
కనులముందు కలకలం రేపింది...
ఒక వైఫల్యం వెక్కిరించింది
ఒక నిస్సహాయత వెకిలి నవ్వు నవ్వింది...
మనసులో మెదిలిన గతం
రాక్షసానందమై నర్తించింది...
కనుచూపుతో చక్రం తిప్పిన మనసు
చక్రబంధం లో బంధీలా
కన్నీటి పర్యంతమయ్యింది...
భయానికే భయం పుట్టిస్తానని
మీసం మెలేసిన మనసు
చిగురుటాకులా వణికిపోయింది...
చిన్న కలవరమే
మనసులో పెద్ద కలకలమై
చేదు వాస్తవాలను కళ్ళకు కట్టింది
మనస్వినీ...
No comments:
Post a Comment