ఏమున్నదిక్కడా

ఏమున్నదిక్కడా

యే కౌన్సీ జగా హై దోస్త్

యేతో ముర్దా దిల్ ఇన్సానోకి

ఖబరస్థాన్ హై దోస్త్

ఎమున్నదిక్కడా

అంతా మాయాకపటం విద్రోహాల సమూహం

కదిలే మానవ కళేబరాల విన్యాసం

మనసులేని మరమనుషుల ఆలవాలం

విరిసేపెదాల చిరునవ్వులమాటున

రాబందుల రెక్కల చప్పుళ్ళు

కురిసే మధురిమల  చాటున

ప్రాణం తీసే కాలకూట విషపు గుళికలు

అందమైన గులాబీలు

మైమరిపించే సౌరభాలు

ఆదమరిచి ఉంటే

గుండెను గుచ్చే పదునైన ముళ్ళు

అబద్దాల పునాదులపై

కొలువుదీరే పేకమేడలు

కూలిన శిథిలాల్లో సమాధి అవుతున్నాయ్

నిప్పులాంటి నిజాలు

ఏమున్నది ఇక్కడా

మసిపూసి మారేడు కాయ తింటారు

అందని ద్రాక్షకై ఎగిరెగిరిపడతారు

ఒకరికోసం గోతులు తీస్తారు

తమకూ ఒక గోతి తప్పదని తెలుసుకోరు

సాలెపురుగు అల్లికలు  

గుంట నక్కల బుద్ధులు

ఈ లోకం ఒక వింతైన మాయాజాలం

ఎమున్నదిక్కడా

మాయావి మనుషుల వికృత చర్యల

మరణ మృదంగం 
(ఇది ఎవరికోసమో రాయలేదు)