ఈ రాతిరి నన్నిలా మరణించనీ
గుడ్డిదీపం
వెలుతురులో కానరావటం లేదు
నీ అరమోడ్పు
కన్నులు మరికాస్త వికసించనీ ...
జామురాతిరి
జామ్ కైపులకు సోలిపోలేదు
నీ కనులజారే
మధువును మత్తుగా తాగనీ...
హృదయవేగం
పెరిగి ఊపిరి సవ్యంగా లేదు
నీ ఊపిరితో
నాకు శ్వాసను పోసి గుండెను నెమ్మదించనీ...
ఆకలి పెరిగి
దేహంలో నిలకడ లేదు
గులాబీ పెదాల మధురసాలను
మనసునిండా ఆస్వాదించనీ...
చలిగాలికి
తనువంతా వణుకు ఆగేలా లేదు
నీ దేహాన్ని
నాకు కప్పి చల్లగాలికి చెమటలు పట్టించనీ...
మిసమిసలాడే నీ
పరువాల ప్రశ్నలకు అంతే లేదు
అనుభవంతో
ధీటైన సమాధానం చెప్పనీ...
నిప్పులకొలిమి
మన పరిష్వంగం విడిపోనివ్వదు
వలపువానై
కురిసి మంటలు చల్లార్చనీ...
ఈ ఘడియలో మనకు
మరో జీవితమే లేదు
ఈ రాతిరి
నన్నిలా మరణించనీ...
No comments:
Post a Comment